嘩嘩嘩...awo與型男小聚? 多麼足以可以成為頭條的新聞(邊份報紙?)

好開心, pass左 "泊左轉左, 左方無車,讓先符號"這個五十萬人都話易到爆的考試(其實係只係交通筆試), 竟然有人請食飯, 仲有兩大IT界型男相伴, 真係超開心!(好明顯係扼飯食)!幾時都話最冧IT仔!

不過我也不知道為什麼自己會那麼緊張, 可能考一考要兩千大元對於低收入的我簡直是雪上加霜!不過更可能因為那種"全球都話易到爆"的標準給予人無謂的壓力。

社會太喜歡把事件和人標簽化:

交通筆試 = 易到爆; 安份守己 = 無大志; LV法拉利= 身份; 鑽石=幸福; 無人認同= 我無能........................

其實是廣告做得太好, 人類的腦部結構太慣於象徵化的思維 , 還是因為自己也為自己貼LABEL呢?

我又在扮清高分析社會狀了, 其實自己不停地把自己把這個那個標簽化......

下一個問題是, "你考咩呀?" ,"棍波", "咩咁睇得起自己呀" ............(沉默三秒, 無言...其實心裡也覺得自己在燒錢,一直在拼,  一直在玩命)

區導演說考車這回事和別人說了一定FAIL的, 我仲係BLOG裡說這些話,顯明我去飲的信心..... (COME BUY見!)

我好想有多d體力去工作和事奉, 為什麼少睡一點就累得驚人?

是我意志不夠? 還是身體太差? 有d唔開心添!

我要體力, 創作力, 唔想要有心無力!

我想一日有三十個鐘, 我想事奉的時候唔返工, 我想每件事都唔好做得咁樣衰, 我唔想呢樣錯歌樣又話唔啱!

健康係最大本錢, 真係至理名言呀!

 

唉...真係扼唔到人!

記得大學那時, 在嚴寒的上海可以懶得不用洗面奶不用保濕, 即使有少少干燥, 只要塗少少lotion就可以解決到。

但是現在, 每天得用上兩三瓶東西, 也是乾得一塌糊塗。

少睡一小時, 第二日休想準時可以起床, 臉好像腫了一樣, 眼袋大得可憐。

身體也差, 精力越來越少, 腦轉速極慢。

係咪女人過左2x呢條線, 真的會衰退得這麼有境界。我還沒有飛躍進步過, 咁快未老先衰?

 

今天竟然看到斥測blog話停blog四周, 但是有些失望, 不過呢排都無咩時間聽歌了, 雖然樂壇係好令人失望, 頒獎禮又無代表性, 但中意聽歌的人還有歌可以聽的吧?

希望可以快d睇到歌d鬧爛歌的文章, 否則又同社會脫節了, 首"搭錯車"都係歌邊學番來....

2008年好特別, 神讓不同的事情發生,讓我一次又一次的學習和經歷祂。

2008年好特別, 天災有天災的, 從非典恩物到托兒所恩物都有三聚氰胺, 人民幣對澳門幣差不多去到1:1.2 , 歐羅跌到9個幾, 這個那個又話要破產。

然後黑人做了美國總統, 小室哲哉詐騙五億日元。

彷彿很多在我們年代裡所謂的"集體回億"又或者慣性的概念都要成為過去了。

接着有很多不同的聲音和解說出現, 管他科不科學, 例如股市大跌, 原來是和欣宜拍電視戲和秋官舊片重播有關。

多麼特別的世代。

x   x     x

對於天生唔靚的女生, 好多人會用"有氣質"去形容。

不過自從各大同事見證了其實我帶帽是很難看這個事實, 這個慣性的概念又要改寫了。

店員:" 好............特別"  , 我: "你真係福有攸歸" (多想拿中心慈善抽獎出來賣呀.....)

所以以後形容唔靚的女生, 請用"好特別" (隨句附送天氣小姐強力推介: "好自然")

例句:

"你好特別, 好自然"

"好多人都咁講架!"

從前我風聞有祢, 如今親眼看過祢。

神所賜的平安真的出乎我意料, 也感謝祂為我們準備的人和事!

好感恩好感恩, 2008年, 為的是要讓我學習依靠神, 學習信心的功課!

還有很長的路呢!

唔洗番工的weekend, 可以煮下野食玩下!

首先有用金x湯(無發臭版)就整到的白汁意粉!再來整過n次的豉油雞翼!

同埋啱啱學的蒜蓉豆豉焗黑倉!

好好味架!!爸爸媽媽都咁話!haha!

試過很多次, 在我處困境的時候,神都通過不同的人﹑事﹑刊物, 用同一的經文鼓勵我,今次是這一句:

"因 此 、 你 們 是 大 有 喜 樂 、 但 如 今 、 在 百 般 的 試 煉 中 暫 時 憂 愁 ．叫 你 們 的 信 心 既 被 試 驗 、 就 比 那 被 火 試 驗 、 仍 然 能 壞 的 金 子 、 更 顯 寶 貴 ． 可 以 在 耶 穌 基 督 顯 現 的 時 候 、 得 著 稱 讚 、 榮 耀 、 尊 貴 。"(彼前:1:6-7)

我真求你像詩歌那樣, 改變我, 讓我喜樂與剛強~!

感謝神!