朋友p:"我何常又唔係同你一樣,只不過我比你多左少少唔怕死ge精神。"

每當觸碰到生活中的悲傷,不管是自己的,還是別人的,都難免會心有戚戚焉。

曾經講過,人生中最難的其中一件事,就是面對自己。

我很害怕那些過往很自以為是的大無畏精神,會摧毀這些日子以來努力經營的自我價值以及正面﹑積極的生活態度。所以,我每步都很小心,很步步為營。可能一個成年人,根本無能力去演繹一個真正的自己,他必須去努力扮演一個公眾都能接受的討好的角色,而這些並不是虛假,反而是在一個有安全系數保護下的個人詮譯。

即是簡單的說,可能就是弗洛伊德老大人所講的本我,自我,超我之類...(對不起,又在簡單覆雜化地講廢話)

x    x    x

3/30講道:"傳福音,係會失敗架,仲有d人會殉道,咁你怕唔怕...死呀?"

我怕死,甚至連很簡單的見證都做唔到,傳福音是會失敗的,很多事情都會失敗的。

"仲有機會,點解要放棄呀?"傳道人說。

"一日唔死,咩都可以重新開始!"監制大人說。

x    x    x

上星期有一晚邊上網邊偷聽電視機的"香港筆跡",不過只記得一句,"流行曲歌詞算唔算得上係文學"呢?

然後有一集林夕大人又話:"有d歌詞好似wyman的燕尾蝶,又講保護,又講關係...寫得好過好多出書ge文章,咁都唔算文學,點先算?"

今日腦海不停響起何韻詩的"光榮之家",曾幾何時,都係自己的飲歌來架!

再曾幾何時,比人叫做垃圾婆,環顧家中的每個角落,的確當之無愧呀!

李麗珊小姐說"香港運動員唔係垃圾"

創世紀1:31說"  神看着一切所造的都甚好"

誰若有心收養,我都很不錯。

x    x    x

仲有機會,點解要放棄呀?一日唔死,咩都可以重新開始,生活一切都甚美好!

 

今日新聞話我地終於有錢剩,唔知聽日澳門日報又會點寫呢?

下個月就開始錄影,五月開張....出街,我真的能應付嗎?如果你問我我的工作有無壓力,其實我都唔識答。

我諗過好好好好人啦,只能講一句恩典夠我用(係架,要相信呀!)

經常把自己的節目卦在嘴邊,朋友可能都驚左我,是太緊張,還是真的那麼心急嗎?

總之一切都會好過以前,好過咩都唔做,好過齋播惠愛e院。

四月﹑五月來了,我會積極地迎接!

各位坦州之友都要努力呀!

 

自從台慶過後,平靜了一段時間,很懶,blog也沒有寫。

我知道上次讓大家很擔心,這六﹑七年的時間,轉眼間就過了,有些關心我的朋友真的比我還着急,比我父母還着急。

雖然我每天都很渴望有南瓜車的出現,但我現在的確也很享受目前的生活,雖然絕不算富貴,但我有很好的家人,有穩定的教會生活,有很難得的又玩得又好人又夾的同事,有一班又pro又好人的弟兄姊妹,有得閑時可以行街食飯傾心事的好朋友,有單身的自由,還有選擇快樂去過每一天的能力。

這幾天,我特別覺得自己很幸福,因為我還能自由的去過每一天。

撒拉等了廿五年才等到自己個仔,而我的確也看得到,神正在工作,祂的旨意是讓我過好每一日,祂會做祂的工作了。

無論我有多想遇到你,我都知道我必須做好自己,感謝神用這六﹑七年的時間,塑造我去放棄過去悲觀﹑消積的人格,學習做一個開心﹑活潑的人,那是因為神要我用最好的﹑最合適的姿態,登上祂為我準備的南瓜車。

我不知道我何時才合乎標準,希望就在不久的將來吧。

感謝大家的關愛(惠愛醫院專用詞語),坦州高清決定激情回贈,就係愛爆你地,有你地咁多位,個女無老豆又有咩所謂?

我現在最希望的,就是祖母快點出院,藝力總動員有好多人參加,三個新節目都順順利利,全家平安,多d人信主,money姐ge煩惱會無曬,阿phy同思思你地快d結婚,文燕個bb平安咁出世.............

然後...

南瓜車...係時候開車啦!快啦!

 

 

今天又收到台慶巨獻,好驚喜,好開心!其實最開心係同妳一齊食飯。(不過榮江真係麻麻地,好懷念上大飯堂呀...排骨年糕﹑麻辣燙,你地有無卦住我呀?)

我無想過會收到這份禮物,講真,雖然係好多人眼中可能係普通野,但係我就一定唔捨得買,我知道妳也是一樣,不過送比人,妳就會捨得,好感謝神比我識到妳,記住啦,出年要送就送IC卡,唔好再浪費呢D錢啦。

其實每個人的需要都唔一樣,無話好,唔好,cheap,唔cheap,值唔值得都係好個人的睇法,但係如果比我揀,我真係好真心咁講,我情願要同你地每一個人相處ge時間,感覺實在好多。

我會好珍惜你地送比我ge野...我唔會放上網bid的,多謝世多謝世,祝大家玩得開心,歡樂滿fun,坦州高清台慶,將收鑼........

 

 

 

感謝神!感謝各方支持,坦州高清與你同行廿五年。

因着production的優良傳統,今年台慶非常高調,真係從來未試過!今天(指3月4日,下同)雖然好忙,但係真係幾驚喜(都有一秒左右),致於收到咩禮物,會在坦視照片檔案內公布,(精彩預告:有唔想收的唔實用野....拜山鮮花﹑最想收的實用野如衛生巾﹑錢!﹑絲襪﹑仲有...講都唔信支票部一本(服左你地,真係deeply happy)﹑仲有不名來歷的西芹一束....)你地結合左我最缺乏的男人和錢,仲有最唔想要的無聊野,如花,公仔,創作出咁超級可愛的禮物,坦州高清真係要同人鞠躬!

今年台慶我做了火鍋店的代言人(都唔知係我中意打邊爐,定係我d fd中意打邊爐......),如果唔係abu,我就會連續三晚打邊爐,真係發夢都食緊肥牛!都算係廿五年來第一次!不過,money姐,你歌餐一定走唔甩的,開定爐等我啦!abu都算救我一命,仲幫我過左第一個無飯食的台慶,希望呢個節目可以同坦州高清兩台同步啦!

今年連拉撒路的團友仔都記得高清台台慶,真係好感動,多謝詠茹(我唔會再係你地d名後面加哥哥姐姐架啦,因為我要爭氣,我會生性,be a responsible woman),我知道一切都係你安排的!其實邊個生日都唔重要,最最最希望係弟兄姊妹間的關係真係可以見證到神ge愛,我會努力向你地行999步!

當然最冧都係屋企人,媽媽永遠都會選一個最適合ge時間落booking,佢已經好耐無叫我起身,今朝竟然叫我起身,仲煮左一隻雞蛋比我,,,,超甜呀!有心做ge,真係一隻蛋都好夠!(當然d三文魚都食得我好飽,,,,yeah!)無你又點會有坦州高清?

超級感謝你地ge支持,銀禧台慶真係特別高調d,簡直頂唔順!願神帶領與我同行第二個﹑第三個廿五年!

thank you so much , 愛爆你地!

今天看到的一句說話:

"如果我們之間有 1000步的距離，你只要跨出第1步，我就會朝你的方向走其餘的999步。"