雖然知道好耐,但今天終於收到潤爺的喜帖--一張讓萬千少女失望的喜帖,我們上大澳門人第一大美男子兼笑匠潤爺,宣佈結束單身生活,認真係,,,恭喜世恭喜世....

我地六件01上大澳門人,阿潤第一個跑出,我覺得一d都唔出奇呀!放心啦,潤爺,下一個一定係我,haha,,,比二十年我,我一定比到張帖你的,記住到時帶埋個孫來呀!

唔夠三年前,我們還在上海過着白白痴痴的生活,現在阿潤都要結婚了,雖然我,卡卡,思思三個校花都好失望,不過都要講番d老土野啦,就係祝你地一世都咁幸福呀!

上大澳門人同敬賀!

 

一個颱風,一個戰後首個最早的颱風,一個四月份的八號風球,感謝神,給我們有浣熊。

當我昨天知道點半會轉八號,心情竟然平靜下來,本來我應很緊張,擔心節目不能如期進行,沒有觀眾,表演嘉賓甩底等等,但我卻很平靜....

這一刻我才明白,原來我們可以做的都做了,四月份打八號風球,咁都中?無話可說啦!

不過超感恩的是....錄影都如期進行,雖然無觀眾,但嘉賓全部無甩底,今日補番遊戲,都算順利,真係感恩呀!!!!!

神竟然用一個風來吹醒我,這個小信的人!!!!!大自然真係每樣野都係神去管的,祢先係ceo,我而家信了,神真係讓我經歷緊佢~

 

 

緊張左咁多日...來到錄影的日子了...打風了,不過一切都會繼續。

沖完涼,終於明白點解呢兩日咁燥啦~

工作壓力+每個月的煩惱,想唔燥都幾難啦...雖然歌d解決唔到的問題仲係度,不過神唔會咁輕易放我走,佢一定會為我開路ge!

我唔信工作會比信仰偉大!!!!!

Her完兩日,無言了,只能講一句,超低能。

原來係我覺得自己好壓抑的時候,有好多人都覺得我地無可能做得辛苦,係喎,tdm,一個pa仔,學人話有壓力,玩呀?細路!

點解人地可以讀埋書,兼埋職,湊埋仔,拍埋拖,浦埋都仲有時間剩,我只係打一份工啫,係咪應該感恩,因為神容許我咁低能,都係一種恩賜啦!

不過更感恩ge係呢兩日比我睇到真係好多野仲未準備。

好多謝你地的留言,不過唔好有期望,因為我自己知咩事咯......

希望呢種感覺真係快d走啦......

錄完兩集短劇,我目前可以提供的能量已經全部用盡,係咪我太無能呢?

我都好想再做好d,記性好d,再做多d,比d時間我,我一定會進步!

一踏入家門,眼淚就自動流出來,簡直快而準!真係好欣賞你地有無限的智慧和EQ,做PA的確比做RESEARCHER辛苦好多,因為呢個位比我好大的挫敗咁,每當唔記得一樣野,又或者準備唔好一樣野,我都覺得好失敗。

短劇,藝力,訪問,遊戲,報價,道具,服裝,音樂.....我真係無一樣野係唔擔心,因為無一樣野搞得掂。

今日唔係田火用得七七八八了,係真係已經爆左,比我訓一晚,我聽朝一定會做番歌個開開心心,衝勁十足的雪雯!

 

不能夠如期以"緣份的天空"參加polly姐你的sing擂台,真是極大的遺憾!

不過我仍然非預期地做了雞毛圍的失眠人,是因為天氣開始熱,因為太擔心新節目,還是因為其他原因呢?

今日her完短劇,我諗我今晚都唔會訓得着,同尋晚一樣,都係會不停咁喊,不停咁諗起"沿路因你伴我走",不停咁諗幾時先可以追求一d自己想要ge野。

短劇讓人好擔心,尤其我自己連話劇都無接觸過,對好多野都好似一舊飯咁!時間又唔夠....加上節目又唔係得呢一part....到左呢一刻,我都開始想講,,,我"田火"都用得七七八八了!

我只能夠寫blog去發泄,因為都唔知點用口將心裡的困難表達出來,有太多人比我有更大的壓力了,也有可能係心入面有一d野,跟本唔想,唔敢同人講。

這幾天我心內沒有平安,我很想哭,然後眼淚不停地流下。

 

好好好想為夫人打氣!!!為監制打氣!為經理打氣!為全世界打氣!三個仔仔就快出世啦!

在這裡做了一年,雖然唔係每個人都真係心中"有田火",好想爭取到有進步,但我感覺到,我地DEPARTMENT個個都有,幫我地手的CAM MAN們,技術人員們都好努力,希望個新廠可以做到一D成績!

雖然仲有好多人叫我地做ATM,CTM,TMD......好多野都未做好,好多野都比大家好大壓力,但係,上天要我地係呢度做GE野,我地仲未做完!

如果有一個人睇左我地GE節目,參加左我地GE節目會開心,我要將呢份榮耀歸比神,同埋你地每一個!

唔好因為而家好多野唔順利而泄氣呀!你做得好好好好好啦!(夫人,講緊你呀,上帝愛你呀!你係工作上更能榮耀神,因為你比我敬業好多,唔好喊呀,傻女!)雖然唔可以同年同月同日生,但可以同年同月同日入TDM,好榮幸呀(祖國萬歲)!

 

今日yahoo的頭條是人民幣....破七!!!!!!!

真係有生之年都未見過,我未見過世面就話啫,連媽媽大人都話無咩印象有咁高~

我地係咪應該係為呢樣煩歌樣煩ge時候,感恩我地仲有飯食呢,再係咁升法,澳門人仲點生活呀!

今年連陰司紙都升值,澳門錢就越來越賤,d錢好似唔係錢咁,美國佬可唔可以唔玩串奧運住,真係諗下你d錢點先可以值錢番,唔好搞到我地咁慘!

遲d連龍園阿e都食唔起,真係要諗計返坦州賺人仔了!

樣樣野都吊高來賣,真係玩死人了! 夠啦!

今天大家都辛苦了!慢慢覺得壓力真的開始來了,實在有太多野未做.....~

看到大家都很忙很辛苦,可能各自己都有說不出的壓力,特別是前後台FM,還有上司們...

而我自己呢,當然最擔心是如何協調工作和教會生活,可能這兩年已經聽了很多,必須在生活中被陶造。心中一些已經說出的,或者說不出的感受,可能在別人眼中都很無理,但相比起大家所承受的壓力,我知道自己已經無比幸福了。

希望混亂很快就過去。

要離開MV視頻,離開親愛的爛TAG,其實做MV都幾開心,可以係爛TAG中狂吹水,寫一D自己以為都幾正面GE野,又可以借D TAG串下身邊的同事,甚至有時寫下自己D心事,分分鐘仲過癮過寫BLOG!

係我心中你地每個人都好叻,好努力,可能大家都會有唔開心,有壓力,但係你地已經做得好好!都係送你地歌句我成日鼓勵自己的說話:

主的恩典夠我(地)用!

共勉之啦!

 

 

今天是我和夫人的一週年(加入tdm),好似做左好耐咁,可能係因為同你地一齊,真係好開心。

雖然有好多批評的聲音,包括我地自己都有講過,但我自己常常都想,既然選擇了,只可以做好自己應份的,又有那一個人是得到全世界的認同呢?

有時候自己都會趁同事三分親廣告的時間,轉台睇下mv視頻,睇下阿do歌集講咩,睇下d 色同係公司睇差幾遠,睇下大家個名係電視機滑過,然後又睇下惠愛e院。

雖然三個節目令我地好辛苦,票務部仲搞到晚晚發夢,雖然d節目出左街,可能都無咩人睇,又或者有人睇都係比人鬧,但係自己都好興奮,因為澳門真係無人做過。

好好好感恩,當好多人真因為工作壓力太大而搞到情緒有問題,好多人因為要養家要做好多份工,好多人日日忙忙碌碌都唔知為咩,我可以有一份養到我自己(因為我好慳),可以用到神比我ge恩賜(吹水),可能識到一班好同事,可以接觸好多人好多事,可以好好玩忙都忙得好開的工作,雖然唔知"科冧"2開左會係點,唔知我呢種開心ge感覺可以last到幾耐,但起碼我都有過一年好開心的工作生活。

因為這份工作,我得到很多關心,雖然很多時候,我希望被關心的是我本人,不是我的工作,但我還是很高興,神讓我在第一份工作學習到面對低潮,讓我在第二份工作重拾自信,讓我在第三份工作學習謙卑,然後讓我知道,我曾經很沮喪,曾經很無聊,曾經很衣不稱身。

其實我是一個很專一的人,可能這條路反而讓我走得更順利。

前路有着不同的機遇,但我有過很美好的一年。

 

金句集:

你知唔知咩係針shot呀?(cam1 cam2 cam1 cam2...),唔知?信唔信7000蚊追住架囚車呀去旨教山食芝麻街唔係唔娶你呀!你快d笑着去撞牆,聽朝,moring呀,惠愛e院將開鑼,有你更好呀!d雪糕偏甜架,唔好suicide,因為要過新年,祝新年,唔講啦,唔係阿bill同彩姐都要加咖lee啦......